සීනි යනු වසර දහස් ගණනක් තිස්සේ මිනිසුන්ගේ ආහාරයේ කොටසක් වන ස්වභාවික අමුද්‍රව්‍යයකි.බොහෝ සීනී වර්ග තිබුණද දුඹුරු සහ සුදු සීනි වඩාත් ජනප්‍රිය ප්‍රභේද අතර වේ.මෙම ලිපිය දුඹුරු සහ සුදු සීනි සංසන්දනය කර තෝරා ගත යුත්තේ කුමක් දැයි තීරණය කිරීමට ඔබට උපකාරී වේ.
පෝෂණ වෙනස්කම්
සුදු සහ දුඹුරු සීනි ලබා ගන්නේ එකම බෝග වලින් වේ එනම් උක් හෝ සීනි බීට් පැළෑටියෙන් වේ
ඇත්ත වශයෙන්ම, බොහෝ දුඹුරු සීනි යනු සුදු සීනි සහ මොලැසස් මිශ්‍රණයකි, එය සීනි වලින් ලබාගත් සිරප් වර්ගයකි. මොලැසස් එහි තද පැහැයකින් යුතු වන අතර එහි පෝෂණ අගය තරමක් වැඩි කරයි.මේ දෙක අතර වඩාත්ම කැපී පෙනෙන පෝෂණ වෙනස වන්නේ දුඹුරු සීනි වල කැල්සියම්, යකඩ හා පොටෑසියම් අන්තර්ගතය තරමක් වැඩි වීමයි. නමුත් දුඹුරු සීනි වල සුදු සීනි වලට වඩා තරමක් අඩු කැලරි ප්‍රමාණයක් අඩංගු වේ . දුඹුරු සීනි එක් තේ හැන්දක (ග්‍රෑම් 4) කැලරි 15 ක් සපයන අතර සුදු සීනි ප්‍රමාණයට කැලරි 16.3 ක් ඇත.මෙම සුළු වෙනස්කම් හැරුණු විට ඒවා පෝෂ්‍යදායී ලෙස සමාන වේ.මෙහි ප්‍රධාන වෙනස්කම් වන්නේ ඒවායේ රසය හා වර්ණයයි.
සීනී නිෂ්පාදනය
උක් හෝ සීනි බීට් පැලෑටි නිවර්තන දේශගුණික ප්‍රදේශවල වවනු ලැබේ. මෙම ශාක දෙකම සීනි නිපදවීම සඳහා සමාන ක්‍රියාවලියකට භාජනය වේ. කෙසේ වෙතත්, එය දුඹුරු සහ සුදු සීනි බවට පත් කිරීමට භාවිතා කරන ක්‍රම වෙනස් වේ.පළමුවෙන්ම, බෝග දෙකෙන්ම සීනි යුෂ නිස්සාරණය කර පිරිසිදු කර රත් කර දුඹුරු, සාන්ද්‍රිත සිරප් වර්ගයක් ලෙස මොලැසස් නිෂ්පාදනය කරයි
ඉන්පසු , ස්ඵටික සීනී නිපදවීම සිදු කරන අතර පසුව එම ස්ඵටිකරූපී සීනි කේන්ද්‍රාපසාරී කිරීම සිදු කරයි . කේන්ද්‍රාපසාරී කිරීම යනු සීනි ස්ඵටික මොලැසස් වලින් වෙන් කිරීම සඳහා ඉතා වේගයෙන් භ්‍රමණය වන යන්ත්‍රික ක්‍රියාවලියකි .සුදු සීනි තවදුරටත් සැකසීමෙන් අතිරික්ත මොලස්කා ඉවත් කර කුඩා ස්ඵටික නිර්මාණය වේ. පසුව, එය සුදු සීනි සෑදීම සඳහා බොහෝ විට අස්ථි වර්ග හෝ තලා දැමූ සත්ව ඇටකටු වලින් සාදන ලද පෙරහන් පද්ධතියක් හරහා ක්‍රියාත්මක වේ.
ඔබ තෝරාගත යුත්තේ කුමක්ද?
එය ඔබගේ ස පුද්ගලික මනාපය අනුව තොරා ගත හැක, රසය සහ වර්ණය මේ දෙක අතර ඇති ප්‍රධාන වෙනස්කම් වේ. දුඹුරු සීනි වල සුදු සීනි වලට වඩා ඛනිජ අඩංගු වුවද, මෙම ඛනිජවල ප්‍රමාණය ඉතා අවම බැවින් ඒවා කිසිදු සෞඛ්‍ය ප්‍රතිලාභයක් ලබා නොදේ.
වැදගත් වන්නේ, තරබාරුකම සහ දෙවන වර්ගයේ දියවැඩියාව සහ හෘද රෝග ඇතුළු ප්‍රධාන රෝග සඳහා සීනි දායක වන සාධකයක් ලෙස සැලකීම පමණි.
මේ හේතුව නිසා, එකතු කළ සීනි වලින් ඔබේ දෛනික කැලරි වලින් 5-10% කට වඩා පරිභෝජනය නොකිරීමට නිර්දේශ කෙරේ. කෙසේ වෙතත්, මෙය ප්‍රශස්ත සෞඛ්‍යය සඳහා තව දුරටත් සීමා කළ යුතුය.ඇත්ත වශයෙන්ම, ඔබ සියලු වර්ගවල සීනි පරිභෝජනය ප්‍රශස්ත සෞඛ්‍යය සඳහා සීමා කළ යුතුය.
