ෆෙන්ෂුයි හෝ වාස්තු ශාස්ත්‍ර වැනි පැරණි සම්ප්‍රදායන් මගින් අප නිදා සිටින භූගෝලීය දිශාව අපගේ සෞඛ්‍යයට බලපාන බව සහතික කරයි. මෙය ඇත්තක්ද?
උතුරට මුහුණලා නිදාගැනීම හානිකර බව ඔබ කී වතාවක් අසා තිබේද? මෙම විශ්වාසය ලොව පුරා පුළුල්ව පැතිරී ඇති , ඔබ එයට නිසැක හේතුව දන්නවාද ?
අප නිදා ගැනීමට වැතිර සිටින භූගෝලීය දිශාව අපගේ සෞඛ්‍යයට බලපෑම් කරයි යන අදහස එහි මූලාරම්භය ඇත්තේ පුරාණ හින්දු පිළිවෙත් වන වාස්තු ශාස්ත්‍රයේ ය. එසේම චීන ෆෙන්ෂුයි හා ආයුර්වේද ඉගැන්වීම් සමූහය අරමුණු කරන්නේ ලෝකයේ ගලා යන ශක්තීන්ට අනුකූලව ජීවත් වීම සුදුසු බවයි
මෙම ශක්තිය ලෙස ඔවුන් හදුන්වන්නේ චුම්භකත්වයයි. පෘථිවිය එහි හරය යකඩවලින් පිරී ඇති අතර ඉතා වේගයෙන් භ්‍රමණය වන බැවින් උතුරේ සිට දකුණට යන චුම්බක ක්ෂේත්‍රයක් ඇත. මෙම දර්ශනයට අනුව, ඔබ උතුරට මුහුණලා නිදා ගන්නේ නම්, ඔබ පෘථිවියේ ධනාත්මක ධ්‍රැවය ඔබේ ශරීරයේ ධනාත්මක ධ්‍රැවයට සමපාත වේ – න්‍යායාත්මකව ඔබේ හිසෙහි පිහිටා ඇත – දෙකම එකිනෙක විකර්ෂණය කරයි. මෙය නපුරු සිහින හා නින්දේ ආබාධ ඇති කළ හැකි අතරම ඔබේ ශරීරය සහ පෘථිවිය අතර ඇති “අභ්‍යන්තර චලනය මගින් ” වෙහෙසට පත්වේ. මෙම ධ්‍රැවීයතාව රුධිර සංසරණයට බලපාන බවත් කොලෙස්ටරෝල් ඉහළ නැංවිය හැකි බවත් පවසයි.අධ්‍යාත්මික මට්ටමින් හින්දු සම්ප්‍රදාය විශ්වාස කරන්නේ ආත්මය මිය ගිය විට එය උතුරට ශරීරයෙන් පිටවන බැවින් එම දිශාවට නිදාගැනීම අපිරිසිදු බවයි.මේ සියල්ලෙන් අදහස් කරන්නේ දකුණට මුහුණලා නිදා ගැනීම වඩාත් සුදුසු බවද ? පෘථිවියේ ප්‍රතිවිරුද්ධ ධ්‍රැවය දෙසට නිදා ගැනීම මඟින් ශක්තීන් “නිවැරදිව” ගලා යන අතර නින්ද ගැඹුරු ඇති වේ. නමුත් නැගෙනහිර දෙසට නිදා ගැනීම හොද බව කියනු ලැබේ. මේ ආකාරයට චුම්බක ක්ෂේත්‍ර උදාසීන පැත්තට නිදා ගැනීම පරිපූර්ණ වන අතර මතකය හා සාන්ද්‍රණය ප්‍රවර්ධනය කිරීම මෙන්ම සාමාන්‍ය සෞඛ්‍ය ප්‍රතිලාභ ඇති බව වාස්තු වලට අනුව පවසයි
ඔබ නිදාගන්නා දිශාව වැදගත්ද?
නවීන විද්‍යාවඅනුව ඉහත දැක්වූමෙම න්‍යායන්හි නිරවද්‍යතාවය සනාථ කරන විද්‍යාත්මක අධ්‍යයනයක් නොමැත. ඇත්ත වශයෙන්ම, චුම්භකත්වය පිළිබඳව විද්‍යාව මගින් පැහැදිලි කරන්නේ චුම්භක ක්ෂේත්‍රයේ බලය ඉතා අඩු බැවින් එය අපගේ ශරීරයට බල නොපාන බවයි
